Bakgrunn og hensikt
Grunnlaget for nettverket er Forskrift om leiing og kvalitetsforbetring i helse- og omsorgstenestene.
USHT fekk i 2022 oppdrag frå Helsedirektoratet å gjere Tryggleiksstandarden kjent og tilby kommunane støtte i å ta det i bruk. Tryggleiksstandarden kan sjåast på som ei operasjonalisering av forskrifta. Les meir her for å få ein Djupare forklaring av tryggleiksstandarden.
Tryggleiksstandard i sjukeheim er eit digitalt verktøy som skal støtte sjukeheimsleiarar med kontinuerleg kvalitetsforbetring. Målet er å auke bevisstheita om pasientens verdigheit og behov for omsorg og tryggleik, og redusere uønska variasjon mellom sjukeheimane. Dette er eit kontinuerleg arbeid, og vi har difor valt å organisere det som eit «løpande» nettverk som kan gå over tid, med langsiktig fokus på leiing og kvalitetsarbeid. Deltaking i nettverket er retta mot sjukeheimsleiarar og andre ressurspersonar som arbeider med kontinuerleg kvalitetsforbetring i sjukeheim.
Føremål og innhald
Nettverkssamlingane vil ta utgangspunkt i behova i praksis. Tema og fokus for kvalitetsarbeid blir prioritert ut frå deltakarane sine innspel og behov. Deltakarane vil bli kjent med «Tryggleiksstandard i sjukeheim», og USHT vil tilby rettleiing i bruk av innhaldet. Det blir lagt til rette for erfarings- og kompetansedeling, refleksjon og forbetringsarbeid.
Rekruttering, arbeids- og organisasjonsformer
USHT er godt kjent med kommunane sine utfordringar knytt til rekruttering av helsepersonell, sikre nok og rett kompetanse, og organisering av tenestene på ein framtidsretta og bærekraftig måte.
Vi forventar at dette blir eit tema sjukeheimsleiarane ynskjer å løfte fram i nettverket. USHT er i dialog med KS og Tørn-prosjektet og ser korleis ein kan samarbeide framover. Deling av erfaringar og kompetanse er sentralt.
Organisering
- Regionsvise samlingar (Sogndal, Nordfjordeid, Førde)
- To samlingar i året der minimum ei samling er fysisk
- Fysiske / digitale samlingar etter tema og behov
- Digitale møter/webinar om konkrete tema - ut frå behov.
Samarbeidspartar
- USHT Helse Fonna kommunane
- Helsedirektoratet
- KS
- TØRN-prosjektet, KS
Ressursar
Tryggleiksstandarden
TØRN-prosjektet